Қазіргі таңда білім беру жүйесінде менеджменттің рөлі ерекше. Себебі мектеп, колледж немесе жоғары оқу орны — тек білім беретін орта ғана емес, ол күрделі басқару жүйесі бар ұйым. Осы жүйенің тиімді жұмыс істеуі басшының кәсіби менеджер ретіндегі қабілетіне тікелей байланысты.

Білім берудегі менеджмент – бұл білім беру ұйымының мақсаттарын айқындау, даму стратегиясын жоспарлау, педагогикалық ұжымды тиімді басқару және оқушылардың сапалы білім алуына жағдай жасау үдерісі.

Тиімді менеджмент келесі бағыттарды қамтиды:

Стратегиялық жоспарлау – оқу орнының даму бағытын анықтау;

Ұйымдастыру және үйлестіру – ұжымдағы жұмыс жүйесін реттеу;

Мотивация және көшбасшылық – мұғалімдер мен қызметкерлердің ынтасын арттыру;

Бақылау және талдау – білім сапасын жүйелі бағалау және жетілдіру.

Білім беру ұйымдарында менеджмент мәдениетін қалыптастыру – жаңартылған білім мазмұнын тиімді енгізудің, оқыту сапасын арттырудың және оқушылардың жетістіктерін қамтамасыз етудің негізгі тетігі болып табылады.

Бүгінгі мектеп директоры – көшбасшы, стратег, жаңашыл менеджер. Ол тек басшы ғана емес, сонымен қатар педагогикалық қауымдастықты біріктіріп, шығармашылық орта қалыптастыратын тұлға.

Қорытындылай келе, білім берудегі менеджмент – сапалы білім мен табысты мектептің кепілі. Басқарудағы жаңашылдық пен жүйелілік – әрбір білім беру ұйымының тұрақты дамуының негізі.

№55 Жеңістің 50 жылдығы жалпы білім беретін мектеп коммуналдық мемлекеттік мекемесінің директоры: Қ.Умиралиев